Condeado un veciño de Narón a tres anos de cárcere por maltrato a sua muller

A Sala do Civil e do Penal do Tribunal Superior de Xustiza de Galicia (TSXG) confirmou a condena de tres anos e catro meses de prisión que a Audiencia Provincial da Coruña lle impuxo ao veciño de Narón que en xullo do 2016 golpeou a súa parella cun martelo tras discutir con ela porque se negou a darlle unha tarxeta de crédito para evitar que comprase droga.


O TSXG rexeitou, do mesmo xeito que a Audiencia, que o sospeitoso tivese intención de matar a vítima, polo que confirmaron a condena como autor dun delito de lesións con instrumento perigoso coa atenuante de alteración psíquica e a agravante de parentesco. “Non ignora este tribunal o perigo da zona á que se dirixen a maior parte dos golpes, nin o plus que entraña o emprego dun martelo aínda que só fose unha vez, pero iso débese ponderar coas restantes circunstancias concorrentes, en especial, a declaración do médico forense, que asegura que dada a intensidade dos golpes en ningún momento existiu risco vital”, indica o alto tribunal na sentenza. Os xuíces tamén resaltan que “non consta” que a vítima perdese a consciencia, polo que “non se pode concluír que o procesado cesase a agresión na crenza de que aquela morrera”.

CONDEA DUN MOZO

A Sala do Civil e Penal do Tribunal Superior de Xustiza de Galicia (TSXG) acolleu parcialmente o recurso de apelación interposto polo condenado a seis anos de prisión pola Audiencia Provincial da Coruña por apuñalar a un mozo en marzo de 2017 cando subía a un taxi na rúa Rúa Nova da Coruña. Os maxistrados do alto tribunal impuxéronlle cinco anos e sete meses de prisión como autor dun delito de intento de asasinato e rexeitaron os recursos presentados polo Ministerio Fiscal e pola acusación particular.


“Tendo en conta que a metade inferior da pena fixada se estende desde os tres anos e nove meses aos cinco anos, sete meses e quince días de prisión, efectivamente impoñémola en cinco anos e sete meses de prisión, facendo inevitablemente nosa a alegación do recorrente na que denuncia a adecuación incorrecta ao marco penolóxico obrigado”, argumenta a Sala do Civil e Penal.


O tribunal rechazou a alegación do condenado respecto a que o ataque “non foi sorpresivo”. Os xuíces salientan que a vixilancia previa da vítima “en nada impide, senón ao contrario, o ataque sorpresivo que culmina co seu acoitelamento”. En canto á denuncia das acusacións sobre a indebida aplicación da atenuante de reparación do dano, o TSXG coindice coa Audiencia, pois sinala que é “innegable” que o condenado “levou a cabo un esforzo reparador acorde ás súas circunstancias persoais” ao pagar 3.000 euros.

Es necesarios estar conectado para escribir un comentario Conectar