Aberto o prazo de solicitude de axudas para deportistas ourensáns cualificados

 

A Deputación de Ourense convoca, un ano máis, as axudas a deportistas ourensáns cualificados en modalidades deportivas individuais durante a tempada 2017-2018, para as cales se atopa aberto o prazo de presentación de solicitudes ata o vindeiro día 30 de novembro, tal e como reflexa o Boletín Oficial da Provincia de Ourense, nº 244 do pasado martes, 23 de outubro.

A Deputación de Ourense pretende, a través destas axudas, fomentar a práctica deportiva e incentivar aos deportistas ourensáns cualificados mediante o recoñecemento da súa traxectoria e rendemento deportivo, destinando para tal fin un orzamento total que ascende aos 30.000 euros, sendo a contía máxima por solicitante de 3.000 euros, cifra que pode varía en función dos méritos e da categoría dos deportistas que soliciten estas axudas antes do día 30 de novembro.

Poderán beneficiarse destas axudas deportistas federados, de categorías de base ata absoluta, e de modalidades deportivas individuais, de nacionalidade española ou residentes legais en España que cumpran unha serie de requisitos: que teñan ficha federativa por algún club deportivo da provincia de Ourense durante a tempada 2017-2018 e en caso de que non posúan a licenza federativa, se manteñan vinculados ao deporte ourensán durante esa tempada sempre que exista unha causa xustificativa de que non dispoñan de licenza federativa nun club ourensán.

Es necesarios estar conectado para escribir un comentario Conectar