Os orzamentos son “decepcionantes” para o BNG

A portavoz do BNG, Ana Pontón, valorou os presupostos do Estado dos que dixo, son “decepcionantes” e baseados nunha política “antisocial” nos que de novo, Galicia recibe a “segunda labazada” en dous anos.

Levamos catro anos, explicou nos que non se executaron máis de 2.000 M€ prometidos para a comunidade o que xustificaría, na súa opinión , “unha aportación extraordinaria” para cubrir parte das moitas necesidades que temos porque “non estamos sobrados nin sobradas de investimentos”, recalcou.

“Mariano Rajoy volve a darnos na cara a todas as galegas e galegos outra labazada coa complicidade de Núñez Feijóo”. Rajoy declaraba que as contas representaban un “gran impulso investidor” e comprobamos que son os orzamentos máis baixos dos últimos 14 anos para Galicia. Agora temos “un cutre 1,3%” mentres noutras partes do Estado se produce un importante incremento como ocorre en Andalucía, Madrid, País Vasco e Cataluña.

As inversións que se manteñen son as previstas na alta velocidade pero a modernización do ferrocarril, criticou, “non empeza nin acaba coa conexión coa meseta”. Pontón lembrou que Lugo é “gran esquecida nos orzamentos do Estado” e por non haber nin sequera está previsto rematar a autovía nesta lexislatura.

Dende o BNG “non festexamos estes orzamentos”, todo o contrario, non conteñen inversións reais para o futuro do noso país e son a eneísima mostra de como o Estado “maltrata a Galiza” sen que Núñez Feijóo mostre unha mínima crítica a pesar de recibir labaza tras labazada. Os orzamentos, afirmou, son “un recortazo bis”.

Pontón tamén criticou que Rajoy suba o seu salario máis que as percepcións dos pensionistas e preguntou cales son as vantaxes para Galicia ao ter un presidente galego e gobernada polo Partido popular xa que ao final “tragan con todo”. Ao PNV súbenlle 30 veces máis os orzamentos para Euskadi. Se eu fora a presidenta de Galicia, “non estaría contenta con estas contas”, concluíu.

Es necesarios estar conectado para escribir un comentario Conectar