Recuperan tres variedades autóctonas de oliveira para producir aceite

image

A marca de aceite de oliva virxe extra Olei, que comercializa a compañía Invatia Research, con sede en Ourense e Santiago de Compostela, en colaboración co Centro Superior de Investigacións Científicos (CSIC), recuperou tres novas variedades de oliveiras centenarias autóctonas de Galicia.

Nun comunicado, sinala que estes achados prodúcense “despois do descubrimento e rexistro en Galicia da variedade ‘brava galega’ por parte de Olei, engade.

En concreto, explica que, no marco de ‘Galiat 6 + 7’, o grupo de investigación da Misión Biolóxica de Galicia-CSIC, traballa na súa recuperación “para facer posible o establecemento de plantacións que permitan á empresa incorporar variedades autóctonas de oliveira en vías de extinción”, indica.

Os investigadores do Centro Superior de Investigacións Científicas (CSIC), en colaboración con Olei, realizan traballos de caracterización de follas e froitos dos exemplares de oliveira localizados por esta marca de aceite, “marcados en diferentes puntos de Galicia e pertencentes a variedades aínda sen describir, que se complementarán coa análise molecular”, explica.

Outra das liñas de investigación de Olei e o CSIC en ‘Galiat 6 +7’ é o efecto das condicións edafoclimáticas (diferentes chans e zonas de cultivo de Galicia) no tamaño e caracterización do froito e a folla e na concentración de compostos presentes na oliva ou o aceite.

OUTRAS INVESTIGACIÓNS

O terceiro eixe de investigación xira en torno á valoración do posible efecto antitumoral e antimetastásico de determinadas moléculas presentes na oliva e os aceites resultantes, en colaboración co Departamento de Farmacoloxía da Universidade de Santiago de Compostela.

 

Es necesarios estar conectado para escribir un comentario Conectar