O BNG asegura sobre a crise interna que as baixas «son menos da que parecen»

O voceiro nacional do BNG, Guillerme Vázquez, insistiu en que as baixas na afiliación do BNG son «moitas menos das que parecen» e sinalou que a formación non terá «ningún problema en cuantificalo a nivel público» cando conclúa este proceso.

Despois da fin de semana en que a corrente Máis Galiza decidiu escindirse do Bloque cun 69% dos votos da asemblea, Vázquez fixo fincapé en que «a inmensa maioría da afiliación do BNG segue e seguirá no Bloque».

«Cando conclúa este proceso non teremos ningún problema en cuantificalo a nivel público», apuntou ao respecto, antes de reiterar que son «moitas menos baixas» das que parece.

Ademais de Máis Galiza, Encontro Irmandiño, a corrente liderada polo histórico nacionalista Xosé Manuel Beiras, abandonou o BNG o pasado 12 de febreiro.

DEBATE SOBRE O ESTADO DA AUTONOMÍA

En canto á intervención do presidente da Xunta, Alberto Núñez Feijóo, no debate do estado da Autonomía, o líder nacionalista criticou que «sexa incapaz de formular nin unha soa proposta para intentar unha xestión mellor».

«Se dun debate do estado de Galicia, a grande conclusión que hai que sacar é que dous concellos se van fusionar, xa me dirán, porque eu non coñezo ningunha proposta», reprobou.

Es necesarios estar conectado para escribir un comentario Conectar