Os concelleiros do BNG en Chantada deixan o Bloque pero manteñen as actas

Os tres concelleiros do BNG no Concello de Chantada (Lugo) solicitaron a súa baixa como militantes da organización frentista, aínda que anunciaron que non deixarán as súas actas, senón que seguirán traballando “co programa electoral” co que se presentaron nas pasadas eleccións municipais, en mayo de 2011.
Nun comunicado, os tres concelleiros –ldefonso Piñeiro Díaz, Xesús Mazaira Varela e Olga Otero Gómez– aseguran que “seguirán” nos seus postos de concelleiros e como grupo, “traballando a favor de Chantada, aplicando o programa electoral, respectando a decisión da cidadanía” que os fixo edís e coa cal, engaden, teñen un “contrato” que os une durante a presente legislatura.
A lista encabezada por Piñeiro Díaz, con 1.305 votos, foi a máis votada, quedando o BNG como segunda forza no concello, por detrás dos independentes INTA, e por diante do PP e do PSOE.
A decisión de quedarse coas actas de concelleiras, e que é contraria á petición que a dirección do BNG fixo para todos os casos que se dean en Galicia, está avalada pola asemblea local de Chantada, que se celebrou o pasado día 16 deste mes.
Así, segundo indicaron fontes consultadas por Europa Press, a asemblea local, aprobou por unanimidad, pedirlles aos concelleiros que, para o caso de que se desen de baixa, “continuasen co traballo no grupo tal e como viñan facendo” ata agora.

Es necesarios estar conectado para escribir un comentario Conectar