“Os brancos de colleita do Ribeiro son equilibrados”, arfirma o presidente da Asociación de Sumilleres

 

A sé do Consello Regulador da Denominación de Orixe Ribeiro foi o escenario dunha cata previa á concesión dos galardóns “Distincións Gallaecia 2018” aos mellores viños e para parte da elaboración da edición 2019 da Guía Luis Paadín de Vinos, Destilados y Bodegas de Galicia. Nela participaron 111 viños da Denominación de Orixe Ribeiro, entre brancos, tintos e tostados que foron catados por membros da Asociación de Sumilleres Gallaecia e catadores invitados de recoñecido prestixio. Desta cata sairán seleccionados os mellores viños da D.O. Ribeiro segundo o criterio dos expertos, que pasarán a á cata final que se celebrará a principios de setembro.

Aurelio Vázquez, presidente da Asociación de Sumilleres Gallaecia, define a cata realizada en Ribadavia como unha das máis interesantes. “Nos brancos da colleita 2017, atopámonos con viños moi equilibrados, elegantes e unha volta á frescura dos grandes Ribeiros. Nos brancos de anadas anteriores, dende 2016 ata 2013, puidemos observar a complexidade que atesouran estas variedades de uva autóctonas co paso do tempo, preséntanse viños con moi boa boca, acompañada dunha elegancia digna de mención e unha largura eterna.”

No apartado de tintos, Vázquez indica a súa sorpresa en canto á cantidade de viños, con grandes calidades que “nos abren a unha nova dimensión de sensacións.”

E por último, o presidente de Gallaecia sinala que o tostado merece un lugar no podio dos grandes viños galegos, definíndoo como unha xoia enolóxica. “Catamos un tostado 2008 no que se percibe moitísimo futuro aínda, complexidade, elegancia, largura, equilibrio…”

Es necesarios estar conectado para escribir un comentario Conectar