A fadista portuguesa Ana Moura regresa a Pontevedra

A fadista portuguesa Ana Moura regresa a Pontevedra para presentar o seu último disco, ‘Moura’, dentro da súa xira por todo o mundo. O concerto, que conta coa colaboración do Concello, será o domingo 11 de marzo no Pazo da Cultura da cidade. O día anterior tamén ofrecerá un concerto en Ferrol.

Ana Moura é a artista portuguesa cunha carrera más puxante na actualidade, con máis de 300.000 discos vendidos, máis dunha ducia de galardóns entre os que destacan dous Globos de Ouro, dos premios Amália e colaboracións con iconas da música como Prince, Rolling Stones, Caetano Veloso, Gilberto Gil ou Herbie Hancock.

Non hai outra voz no fado coma a de Ana Moura. Unha voz que se pasea pola tradición libremente, sen deixar de flirtear elegantemente con outros xéneros, e ampliando  dunha forma foi persoal o espectro do fado. Pero o que a distingue non é só un timbre grave e sensual como hai poucos, Ana Moura transforma instantaneamente en fado calquera melodía á que presta a súa voz. É uha chispa inmediata, unha explosión emocional dirixida implacablemente ao corazón doouvinte.

‘Moura’

Agora está a presentar o seu sexto álbum, ‘Moura’ (Universal Music, 2015), que chegou a ser inmediatamente Disco de Ouro. Nel a artista incorpora grandes nomes da música portuguesa, como Carlos Tê, Samuel Úria, Jorge Cruz, Edu Mundo ou Sara Tavares. E tamén interpreta temas doutros músicos destacados, como Miguel Araújo ou Pedro da Silva (Deolinda).

Tamén participaron no disco Tim Palmer (que ten mesturado traballos de U2, The Cure ou Pearl Jam) ou Tchad Blak (The Black Keys, Arctic Monkeys ou U2). O traballo foi gravado nos Henson Recording Studios (Hollywood) onde gravaron artistas como Paul McCartney, The Rolling Stones, Alicia Keys, Bruce Springsteen, Aerosmith, The Beach Boys, John Lennon ou Madonna.

 

Moura’ sucede a ‘Desfado’ o disco máis vendido en Portugal dos últimos anos, con cinco discos de platino. ‘Desfado’ mantense no top de vendas en Portugal desde a data que saiu, hai máis de 150 semanas consecutivas.

Es necesarios estar conectado para escribir un comentario Conectar