«Sabores de Ourense»: premios aos profesionais da hostalería

O salón de plenos do Concello de Ourense foi escenario da entrega de premios aos gañadores do sexto concurso Sabores de Ourense – Primavera (do 27 abril ao 7 de maio). Ao acto asistiron o alcalde de Ourense, Jesús Vázquez, o concelleiro de Turismo e Termalismo, Jorge Pumar, o secretario da Unión de Hostaleiros de Ourense, Javier Outomuro e representantes das firmas patrocinadoras. A estimación dos votos do público dá como resultado máis de 3.500 pinchos servidos durante o concurso.

A comisión avaliadora, formada por Rubén Amorín (blog Ni mata ni engorda), Iñigo Atapuerca (Caldaria) e José Luis Rivera (Concello de Ourense) elixiu, de entre os 41 pinchos participantes, os seguintes finalistas: A Casita do Pulpo, Atarazana, Bacelo, Garden Porta Da Pía, Sanmiguel, Tamarindo, Tapa Negra, A Cuqueira de Lourdes, Portovello, A Feira. O xurado prefesional reuniuse o pasado luns 8 de maio, na Taberna, para degustar os pinchos dos finalistas e elixir, de entre eles, os seguintes gañadores.

Premio do Xurado Profesional

Composto por Sonia Albor (Concello de Ourense), José Manuel García (programa de radio Come e Fala), Jesús Lastra (Mr. Chef Online), Rosa Celi Mouteira (Escola de Hostelería de Vilamarín) e Silvia Pardo (Xantar).

  • 1º premio: GastroBar Sanmiguel, por O atún e a primavera

  • 2º Premio: Bacelo, por Choco donut

  • 3º Premio: Tapa Negra, por Tesouro mariño

Premio do Público

  • 1º Premio: Fuentefría, por Mar vivo

  • 2º Premio: A Casa do Pulpo, por Polbiño de rocha brasado

  • 3º Premio: Atarazana, por Arroz de carabineiros

Contabilizáronse 1.164 papeletas válidas e 64 nulas, o que dá lugar a un mínimo de 3.500 pinchos contabilizados, sen contar os que non se votaron.

Premio Pincho Celíaco

Outorgado pola delegación ourensá da Asociación de Celíacos de Galicia.

  • Atarazana, por Arroz de carabineiros

Premios da app #SaboresdeOurense

  • 1º Premio: Fuentefría, por Mar vivo

  • 2º Premio: Bar Ideas, por Salpicón de pescada e gambas

  • 3º Premio: Atarazana, por Arroz de carabineiros

Es necesarios estar conectado para escribir un comentario Conectar