Manuel Baltar recibe aos responsables do Club Ourense de Baloncesto

Baltar_Club Ourense de Baloncesto_COB

O presidente da Deputación de Ourense, Manuel Baltar, recibiu hoxe no Pazo Provincial ao presidente do Club Ourense Baloncesto, Antonio Gavilanes, e aos demais membros do Consello de Administración desta entidade deportiva, acompañados polo asesor de Deportes do goberno provincial, Bernardino González.

No encontro, Manuel Baltar amosoulles aos representantes do COB o apoio que a institución provincial presta e seguirá prestando ao club de baloncesto para seguir entre todos impulsado desde o deporte a “Marca Ourense”, e sinaladamente “a través dunha entidade de tan importante relevancia no ámbito deportivo, mediático e promocional para a nosa provincia como é o Club Ourense Baloncesto, tendo en conta que na vindeira tempada participará na competición de baloncesto máis importante, a ACB”.

Baltar agradeceu o traballo que a directiva, o corpo técnico e os xogadores están a realizar “para manter a ilusión deportiva dos miles de afeccionados ao baloncesto da provincia de Ourense cara o soño de xogar na vindeira tempada na elite do baloncesto europeo”.

Es necesarios estar conectado para escribir un comentario Conectar