Novas actuacións de promoción turística e infraestructuras no plan Ourense termal

 

Mario Crecente_consultora Ourense provincia termal con Baltar na Deputación

O presidente da Deputación de Ourense, Manuel Baltar, reuniuse hoxe no Pazo Provincial con Mario Crecente, responsable da consultora que está a desenvolver o plan “Ourense, a provincia termal”, para analizar os avances acadados ata a data neste proxecto e seguir planificando a estratexia que a Deputación de Ourense coordinadamente coa Xunta de Galicia vai levar a cabo en 2016 para desenvolver liñas de actuación nos ámbitos da promoción turística, melloras de infraestruturas termais, xestión económica e investimentos.

O presidente do goberno provincial afirma que a planificación “é básica para acadar os obxectivos propostos no plan, que deberá estar rematado no horizonte de 2020 coa finalización do período de fondos comunitarios, fundamentais achegas económicas para a concreción das medidas que deben implementarse», afirma Manuel Baltar.

Na xuntanza, Baltar e Crecente repasaron o proxecto básico da piscina termal de Laias e o da senda termal do Carballiño, e o consultor informoulle que actualmente están en fase de redacción os novos accesos a Cabreiroá e que se atopa en preparación o “blog termal”.

 

EIXO ESTRATÉXICO

 

Sendo o termalismo un eixo estratéxico para o desenvolvemento da provincia de Ourense, Manuel Baltar considera que a “marca Ourense” “é un concepto que se está a distinguir, entre outros ámbitos de actuación, por unha aposta clara e decidida polo termalismo, que nos da visibilidade internacional e que fai posible que programas como o de “Termalismo saúdable” enlace a Ourense con 40 provincias de España, coa posibilidade de obter on line e en menos de 5 minutos a confirmación da reserva de praza. Un programa que este ano está a piques de rematar e que ten acadado unha gran demanda e éxito de convocatoria”.

Es necesarios estar conectado para escribir un comentario Conectar