Extinguido o incendio de Carballeda de Valdeorras tras afectar a 55 hectáreas

 

   O lume forestal declarado este sábado ás 15,00 horas no Concello ourensano de Carballeda de Valdeorras foi extinguido, tamén este sábado, ás 21,25 horas.

Segundo precisou a Consellería do Medio Rural e do Mar nun comunicado, o incendio, que tivo lugar na parroquia de Lardeira, afectou, segundo estimacións provisionais, a unha superficie de 55 hectáreas de monte raso.

Na súa extinción traballaron un técnico, tres axentes forestais, sete brigadas, tres motobombas, dúas pas, cinco helicópteros e tres avións.

No devandito lume, un condutor dunha motobomba resultou ferido leve por queimaduras na cara e nas mans mentres traballaba na súa extinción. A súa evolución é favorable e permanece ingresado en planta na clínica Povisa de Vigo, á espera de ser dado de alta nas próximas horas.

Es necesarios estar conectado para escribir un comentario Conectar