Santiago: Exposición sobre a obra do escritor Manuel Rodriguez López

Exposición Manuel Rodríguez López en Santiago

Na Biblioteca Anxo Casal de Santiago de Compostela, vense de abrir ao público a exposición Manuel Rodriguez Lóez, sobre a vida e obra do escritor de Paradela, fillo predilecto dese concello, e que da nome á Casa municipal de Cultura e a un Certame Literario do que se está a celebrar a vixésima edición.

A mostra forma parte do Proxecto Manuel Rodríguez López emprendido por GaliciaDigital e a familia do escritor, co apoio do Concello de Paradela, a Xunta de Galicia (Secretarías Xerais de Política Lingüística e de Cultura), a Vicepresidencia da Deputación de Lugo e a Real Academia Galega.

Esta mostra itinerante comezou o seu percorrido en Paradela para logo expoñerse en Lugo – Museo Provincial- no San Froilán de 2013, e posteriormente en Begonte, Paradela, Portomarín, Sarria, Vilalba, Santiago, A Coruña, Barcelona, Madrid, e na Fundación Eduardo Pondal de Ponteceso. Na Biblioteca Anxo Casal vai permanecer ata finais do mes de xullo. Con posterioridade visitará Guitiriz, con motivo do Festival de Pardiñas.

Está composta por oito paneis dobles, nos que se reflicte de xeito moi gráfico a vida e obra do escritor paradelense, considerado o mellor poeta obreiro galego do século XX, que escribiu en Catalunya a maior parte da súa obra, e foi, ademais dun grande animador das actividades galegas en Catalunya, o vínculo perfecto entre Galicia e os galegos emigrantes no País catalán.

Es necesarios estar conectado para escribir un comentario Conectar