Feijóo ve o decreto do galego «o máis avalado xurídicamente»

Fejóo_declaracións Normalización Lingüística

   O presidente da Xunta, Alberto Núñez Feijóo, asegurou este venres que o Decreto do Plurilingüísmo no ensino, coñecido como decreto do galego, é o documento destas características «máis visto pola xustiza» e «máis avalado» xuridicamente, polo que instou aos grupos políticos e organizacións sociais a «non seguir discutindo sobre aquilo que está ben feito».

Así indicouno Núñez Feijóo, tras participar na inauguración dunha exposición en Santiago, a teor da sentenza do Tribunal Supremo coñecida este xoves, que desestima o recurso presentado pola Real Academia Galega (RAG) contra o Decreto do Plurilingüísmo no Ensino, norma que supuxo a introdución do inglés como lingua de impartición nos centros de Galicia xunto co galego e o castelán.

Nas súas declaracións, o presidente da Xunta instou a «tódolos actores» implicados e a todos aqueles que creen que «o galego é a lingua propia de Galicia e que hai que protexela» a «empezar de novo a construír sobre bases sólidas» as políticas lingüísticas.

Esa «base sólida», explicou Núñez Feijóo, é precisamente o decreto do galego, que o Tribunal Supremo considera «conforme á constitución, conforme ao Estatuto de Autonomía e conforme á Lei de Normalización Lingúística».

CONSENSO LINGÜÍSTICO

«Se este decreto é conforme ao ordenamento xurídico no seu conxunto e este decreto é un desenvolvemento legal da Lei de Normalización Lingüística que pactamos, responde ao consenso lingüístico que emana da Lei de Normalización Lingüística pactada entre todos os grupos», resumiu Núñez Feijóo.

O xefe do Executivo galego confiou en que a sentenza do TS «veña a iniciar unha nova etapa» na que «seguir traballando» para demostrar que «utilizar o galego é útil» e consiga que «os que ata agora non estaban de acordo sexan capaces de aceptar» o fallo.

Es necesarios estar conectado para escribir un comentario Conectar