Alonso Montero cre que a Mesa pola Normalización ten una «visión limitada» do idioma

Alonso Montero_libros fondo

O presidente da Real Academia Galega (RAG), Xesús Alonso Montero, considera que A Mesa pola Normalización Lingüística ten unha «visión limitada» da lingua galega, pois sostén que esta última nin cre na «pedagoxía» nin está na «metodoloxía da persuasión».

«Tódolos que non pensan como eles son imbéciles e escuros», ironizou Alonso Montero nunha entrevista en Radio Galega. E é que o presidente da RAG –que utiliza este «desafortunado verso» do himno galego para criticar a A Mesa– defendeu que o galego «é de todos».

«Non é do Bloque, nin de Esquerda Unida, nin dos comunistas, nin dos de dereitas, sentenciou, para logo facer fincapé en que, na medida en que «os que máis defenden o galego» saiban que «é de todos», será «bo». De feito, apostou por empregar a «pedagoxía da persuasión»: «Non hai que chamarlle a ninguén imbécil nin escuro».

Con respecto ao papel que desempeña a Xunta en relación á actual situación do galego, Alonso Montero puntualizou que, aínda que toda a sociedade galega ten «responsabilidade» para coa súa lingua, «máis responsabilidade ten a Xunta».

En concreto, relatou que o Goberno galego debería facer un «pronunciamento público», dende as «máis altas autoridades», acerca da enquisa sobre coñecemento e uso do galego elaborada polo Instituto Galego de Estatística (IGE).
CULTURA, «COLUMNA VERTEBRAL»

Nesta mesma liña, remarcou que a Xunta debería poñerse en contacto cos «axentes a favor do idioma» para «empezar a actuar». E é que sostén que a cultura debería ser a «columna vertebral» do país.

Sobre a dedicación do Día dás Letras Galegas de 2015 a Xosé Filgueira Valverde, o presidente da RAG, que acaba de cumprir 86 anos, volveu condenar o «sectarismo» e o «fanatismo» dos que criticaron a devandita dedicación. «Non hai biografías inmaculadas», resolveu.
Imprimir

Es necesarios estar conectado para escribir un comentario Conectar