O Camiño de Santiago deixa a sua pegada na Patagonia arxentina

HUella andina_Patagonia arxentina_Camiño de SantiagoTurismo de Galicia impartiu en Arxentina unha conferencia maxistral na xornada sobre sendeiros de longo percorrido en dito país, organizada polo Ministerio de Turismo de Arxentina.

O evento realizouse na cidade de Bariloche no corazón da Pegada Andina, primeiro sendeiro de longo percorrido de Arxentina que une cinco Parques Nacionais ao longo de case 600 quilómetros, ao pe da cordilleira dos Andes, entre bosques andinos e lagos glaciarios.

A disertación de Turismo de Galicia, impartida polo equipo técnico do Xacobeo, foi recibida con gran entusiasmo e atención polo numeroso público presente e abordou aspectos conceptuais, técnicos e operativos da xestión do Camiño de Santiago.

Arxentina traballa actualmente no deseño e posta a punto dun conxunto de sendeiros de longo recorrido de media e baixa dificultade para promover camiñando os valores patrimoniais naturais e culturais máis destacados da súa xeografía.

A subsecretaria de Desenvolvemento turístico do Ministerio de Turismo do país, Valeria Pellizza, destacou na apertura da xornada que “estamos iniciando un vínculo moi enriquecedor con Turismo de Galicia”. Así mesmo, engadiu que “temos moito que aprender do equipo técnico do Xacobeo”.

O obxectivo xeral da xornada foi, ademais de comunicar os avances do proxecto Sendeiros de Arxentina e as novidades de Pegada Andina para a tempada 2014-2015, a xeración dun espazo de encontro para a actualización e capacitación, dirixido fundamentalmente aos actores públicos e asociacións que impulsan os sendeiros de longo recorrido existentes nas rexións turísticas do país.

Es necesarios estar conectado para escribir un comentario Conectar