Manolo Rivas recibe o premio «Celanova, Casa dos Poetas»

Manolo Rivas_libro_Xerais

A Fundación Curros Enríquez acordou este venres, por unanimidade, concederlle o XXX premio ‘Celanova, Casa dos Poetas’ ao xornalista e escritor Manolo Rivas, «por o seu longa e frutífera labor creativo, tanto nun coma noutro campo, ambos os dous tan significados tamén na biografía de Curros Enríquez».

Considera a fundación que «non hai ningún outro escritor na historia de Galicia que contribuíra tanto á internacionalización da literatura galega, ao conseguir publicar a súa obra nas máis prestixiosas editoriais europeas».

Así mesmo, os patróns da fundación entenden que, tanto «pola indiscutible calidade do seu traballo creativo», que foi levado ao cinema, como pola súa propia condición de xornalista «de prestixio» e de formador de opinión, contribuíu dunha forma «fundamental» non só a visualizar senón tamén a valorizar o idioma.

O XXX premio ‘Celanova, Casa dos Poetas’ será entregado o domingo 7 de setembro en Celanvoa, como é habitual, nunha xornada que tamén servirá para recordar novamente a Celso Emilio Ferreiro con motivo do 35 aniversario da súa morte.

Es necesarios estar conectado para escribir un comentario Conectar