A Deputación de Pontevedra financia un programa de formación en apicultura

Apicultor_apicultura
A Deputación de Pontevedra aportará 15.000 euros para dotar economicamente Bolsas de Formación no estranxeiro dos alumnos e profesores do Instituto Galego de Formación en Acuicultura (IGAFA), situado na Illa de Arousa. Con este fin, a institución provincial asinou un convenio coa Consellería de Medio Rural e do Mar da Xunta de Galicia.
As bolsas incluirán unha máis completa formación de alumnos e profesores do IGAFA en empresas e institucións de países da Unión Europea altamente especializados e avanzados en temas de Acuicultura e Mergullo. Teñen unha duración de 3 meses e a cuantía máxima de cada bolsa non poderá superar os 15.000 euros.
Segundo se establece no convenio, o IGAFA seleccionará aos participantes no programa seguindo criterios pedagóxicos, como o interese do alumno, o seu expediente académico, a súa capacidade para desenvolverse nun país estranxeiro ou os coñecementos da lingua de referencia do país de destino.
No acordo subscrito, a Consellería do Mar _de quén depende o IGAFA_ elaborará o proxecto formativo que desenvolverán os participantes, o supervisa, e lle fai o seguimento.
O Instituto Galego de Formación en Acuicultura (IGAFA) é na actualidade o único centro educativo de Galicia que imparte formación profesional de acuicultura e mergullo. Depende da Dirección Xeral de Innovación e Desenvolvemento Pesqueiro e está cofinanciado polo Fondo Social Europeo (FSE).
O IGAFA foi inaugurado en 1992 e entre as súas competencias figuran as ensinanzas para planificar, organizar, xestionar e controlar unha explotación acuícola conseguindo a calidade requirida en condicións axeitadas de seguridade e hixiene.

Es necesarios estar conectado para escribir un comentario Conectar