Ourense: Os primeiros 120 participantes de Innova Emprego reciben o título acredittivo

Manuel Balter, xunto aos primeiros participantes no programa, no Concello de Bande.
Manuel Balter, xunto aos primeiros participantes no programa, no Concello de Bande.

Os primeiros 120 participantes do Programa Innova Emprego que puxo en marcha a Deputación de Ourense para fomentar a formación, a capacitación profesional e a inserción laboral recibiron os títulos acreditativos da participación neste programa. Nun acto que tivo lugar hoxe na Casa do Concello de Bande, coa presenza do presidente provincial, Manuel Baltar; o alcalde de Bande, José Antonio Armanda, e técnicos da Área de Benestar da deputación, entregáronse as acreditacións ás participantes da comarca da Baixa Limia, pertencentes aos concellos de Bande, Entrimo, Lobeira, Lobios e Muíños, aínda que esta acción formativa esténdese a toda a provincia de Ourense, en concreto a 11 puntos da xeografía provincial que agrupa a concellos e mancomunidades.

Como remate da acción formativa, focalizada en mulleres con idades entre 30 e 55 anos, cada participante recibe un diploma acreditativo no que se recoñece a súa formación e se identifican os módulos docentes realizados, en concreto no que atinxe a auxiliares de persoas dependentes.

Manuel Baltar destacou no acto “a implicación da Deputación de Ourense nas políticas que favorecen a capacitación profesional e a xeración de emprego, porque este é precisamente un dos ámbitos nos que estamos a traballar sinaladamente, pois mellorar a empregabilidade e a cualificación dos participantes é o principal obxectivo deste proxecto formativo que desenvolve a institución provincial”.

O programa Innova Emprego II Ourense 3.0, cofinanciado polo Fondo Social Europeo, levouse a cabo durante catro meses cunha formación teórica de dous meses para, posteriormente, incorporar ás participantes a un período de inserción laboral en empresas do sector, polo cal percibiron unha renda mensual de inserción equivalente ao 75 % do IPREM, que é o índice de referencia para a concesión de axudas, bolsas, subvencións ou subsidio de desemprego.

Es necesarios estar conectado para escribir un comentario Conectar