“A adicción e o mal uso das novas tecnoloxías, principal problema” dos menores

Valedor e conselleiro

   O valedor do Pobo, José Julio Fernández, asegurou que “o mal uso das novas tecnoloxías” e, en particular, a “adicción” a estas é o “principal problema” dos menores en Galicia e explicou que a defensoría galega, en colaboración con Consellería de Educación, “está levando a cabo accións para “concienciar a familias e docentes sobre este problema” así como “para achegar solucións”.

   Así o explicou durante a inauguración do ‘Seminario Adolescentes e novas tecnoloxías, unha responsabilidade compartida’ que tivo lugar este sábado na Escola Galega de Administración Pública (Egap) e no que tamén participou o conselleiro de Cultura, Educación e Ordenación Universitaria, Jesús Vázquez.

Segundo explicou o valedor, en esta xornada formativa “persoas do ámbito psicoeducativo, psiquiátrico ou psicolóxico tratarán de achegar” aos docentes “as claves máis significativas deste problema” despois de que “hai dous anos o alto comisionado realizase o “primeiro informe de ámbito científico” sobre adolescentes e Internet en Galicia”.

“Á vista dos resultados moderadamente preocupantes que observamos, fixemos un instrumento de análise da ciberdependencia, tamén co apoio da Consellería, para extraer datos e saber qué novos fan un bo uso ou un mal uso das novas tecnoloxías”, explicou José Julio Fernández.

Neste sentido, detallou que, o problema en Galicia “máis que de delitos, que son puntuais pero existentes”, é “a adicción”. “O menor mentres que está colgado na rede non interactuar cos seus pais, os seus amigos, non xoga ao aire libre, ese é o problema”, indicou.

 

 

Por outra banda, o conselleiro de Cultura, Educación e Ordenación Universitaria, Jesús Vázquez, destacou a necesidade de que os adolescentes “aprendan a usar a rede con seguridade, saiban protexerse e tamén lle sacar todo o partido posible”.

O titular de Educación sinalou a relación entre adolescentes e Internet como “un obxecto de preocupación e, polo tanto, de debate e reflexión para moita familias, profesionais e para a propia administración”. “Por iso”, indicou, “é necesario favorecer a prevención e detención precoz dos posibles casos problemáticos”.

Así mesmo, agradeceu o traballo dos docentes e destacou a importancia da colaboración entre a administración, familias e educadores neste ámbito.

ESTUDIOS DE USO DA REDE

Segundo indicou o conselleiro, este seminario parte do estudio sobre as actitudes, percepcións e usos de Internet e as redes sociais entre os adolescentes galegos con obxectivo detectar os problemas no uso destas ferramentas.

En concreto, segundo os datos recollidos por este informe, en torno a un 15 por cento dos adolescentes poderían estar a facer un uso “pouco recomendable” de Internet, ao que habería que engadir un 5 por cento que presentarían signos de uso patolóxico. Estas cifras suporían que preto de 4.000 fogares galegos terían un problema importante a este nivel.

Es necesarios estar conectado para escribir un comentario Conectar