Máis de catrocentos mozos incorporáronse en 2012 á activade agraria

Un total de 439 mozos beneficiáronse este ano das axudas da Consellería do Medio Rural e do Mar para incorporarse á actividade agraria. O Diario Oficial de Galicia (DOG) publicou a Orde da Consellería pola que se amplía a dotación orzamentaria das axudas para a incorporación de mozos á actividade agraria nun total de 9.750.000 euros, sendo o seu orzamento inicial de 7.000.000 de euros.

Con esta ampliación de capital, foi posible atender ao 100% das solicitudes de axudas desta convocatoria, favorecendo o proceso de rexuvenecemento do noso agro, sumando ao esforzo inversor que realiza o sector produtor o que se fai dende a Administración, procurando tamén asegurar a competitividade e a continuidade do tecido agrario. Do montante destas axudas o 37,59% dos beneficiados correspóndese á provincia de Lugo, seguida pola Coruña (31,44), Ourense (15,94) e Pontevedra (15,03).


José Álvarez Robledo, director xeral de Producción Agropecuaria

Estas axudas están cofinanciadas co Fondo Europeo Agrícola de Desenvolvemento Rural (FEADER) no marco do Plan de Desenvolvemento Rural (PDR) de Galicia 2007-2013 e teñen como obxectivo favorecer o acceso das persoas mozas á titularidade das explotacións agrarias.

Es necesarios estar conectado para escribir un comentario Conectar