As xuventudes de Máis Galiza abandoan Galiza Nova e deixarán o Bloque

Parte dos asistentes a asamblea de Galica Nova

Mocidade Nacionalista Galega (MNG) decidiu este sábado na súa Asemblea Nacional Extraordinaria abandonar Galiza Nova e avanzou que este domingo deixará o Bloque Nacionalista Galego tras a asemblea que a corrente liderada por Carlos Aymerich.

Así anunciouno o secretario xeral da MNG, Paulo Carlos López, na clausura da asemblea que celebraron este sábado como preludio de encontro que terá lugar este domingo, día 11 de marzo, e no que Máis Galiza decidirá sobre a súa permanencia no BNG.

No acto, no que estiveron presentes membros do Encontro Irmandiño, o novo partido nacionalista Ecogaleguistas ou Mais Galiza, Paulo Carlos López detallou que a decisión de abandonar Galiza Nova foi avalada polo 92 por cento dos votantes, mentres que un 8 por cento votou en contra.

Todo iso, indicou, tras un “intenso e rico debate” no que “grande parte das intervencións” estiveron orientadas a “deixar a Galiza Nova” para así “iniciar un proxecto totalmente autónomo e independente”.

Esta posición, explicou, tamén incluirá deixar este domingo o BNG, unha marcha que, como avanzou, as xuventudes “farán conxuntamente compañeiros de Máis Galiza” que así decídano no encontro que celebrarán este domingo na capital galega.

“REFLEXIÓN PROFUNDA”

Na súa intervención, o secretario xeral da Mocidade Nacionalista Galega indicou que esta resolución “non é unha pataleta” tomada polos mozos da corrente, senón que responde a un proceso de “reflexión profunda” sobre as “necesidades reais da xuventude e do país”.

Deste xeito, avogou pola creación dun “novo proxecto común” que “faga fronte ao Partido Popular” e aglutine a “tódalas persoas” buscando “lugares comúns” como “a defensa do Estado do Benestar” e “do autogoberno”.

Por estas cuestións, confiou en “recoller a xente” que vaia “dende o pensamento de centro ata a esquerda” e “dende un sentimento galleguista a un sentir soberanista”.

Por último, criticou que o BNG unha fronte que tiña un “espectro ideolóxico” equivalente a “unha vía de catro carrís” decidise na súa última Asemblea Nacional “prescindir de tres” e “camiñar solo por un”.

Es necesarios estar conectado para escribir un comentario Conectar